| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 37.29 | Dem. 37.32 (English) | >>Dem. 37.35 |
37.30μετὰ ταῦτα δὲ τὸν αὐτὸν τρόπον ἡμεῖς ἑτέροις ἀπεδόμεθα , ἐφʼ οἷσπερ αὐτοὶ ἐπριάμεθα , οὐ μόνον κελεύοντος ἔτι τούτου , ἀλλὰ καὶ ἱκετεύοντος · οὐδεὶς γὰρ ἤθελεν δέχεσθαι τοῦτον πρατῆρα . τί οὖν αἱ τῆς μισθώσεως ἐνταῦθα συνθῆκαι ; τί τοῦτʼ , ὦ φαυλότατʼ ἀνθρώπων , ἐνέγραψας ; ἀλλὰ μὴν ὅτι σοῦ κελεύοντος καὶ ἐφʼ οἷσπερ ἐωνήμεθʼ αὐτοὶ πάλιν ἀπεδόμεθα , λέγε τὴν μαρτυρίαν .μαρτυρεῖς τοίνυν καὶ σύ · ἃ γὰρ ἡμεῖς πέντε καὶ ἑκατὸν μνῶν ἐωνήμεθα , ταῦθʼ ὕστερον τριῶν ταλάντων καὶ δισχιλίων καὶ ἑξακοσίων ἀπέδου σύ · καίτοι τίς ἂν καθάπαξ πρατῆρά σʼ ἔχων σοὶ δραχμὴν ἔδωκε μίαν ; ἀλλὰ μὴν ὅτι ταῦτʼ ἀληθῆ λέγω , κάλει μοι τούτων τοὺς μάρτυρας .ἔχων μὲν τοίνυν ἣν ἐπείσθη τῶν αὑτοῦ τιμήν , δεηθεὶς δʼ ἐμοῦ τὸ γενέσθαι πρατῆρα καθʼ ὃ συνέβαλον ἀργύριον , αὑτὸς δυοῖν ταλάντοιν προσδικάζεται . καὶ τὰ λοιπὰ τῶν ἐγκλημάτων ἔτʼ ἐστὶ δεινότερα . λέγε δή μοι τὸ λοιπὸν τοῦ ἐγκλήματος .ἐνταυθὶ πόλλʼ ἄττα καὶ δεινά μοι ἅμʼ ἐγκαλεῖ · καὶ γὰρ αἴκειαν καὶ ὕβριν καὶ βιαίων καὶ πρὸς ἐπικλήρους ἀδικήματα . τούτων δʼ εἰσὶν ἑκάστου χωρὶς αἱ δίκαι καὶ οὔτε πρὸς ἀρχὴν τὴν αὐτὴν οὔθʼ ὑπὲρ τιμημάτων τῶν αὐτῶν , ἀλλʼ ἡ μὲν αἴκεια καὶ τὰ τῶν βιαίων πρὸς τοὺς τετταράκοντα , αἱ δὲ τῆς ὕβρεως πρὸς τοὺς θεσμοθέτας , ὅσα δʼ εἰς ἐπικλήρους , πρὸς τὸν ἄρχοντα . οἱ δὲ νόμοι καὶ τούτων διδόασι τὰς παραγραφὰς ἀντιλαγχάνειν , περὶ ὧν οὐκ εἰσὶν εἰσαγωγεῖς . λέγε δʼ αὐτοῖς τουτονὶ τὸν νόμον .
Μαρτυρία
37.31
Μάρτυρες
37.32
Ἔγκλημα
37.33
Νόμος
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 37.29 | Dem. 37.32 (English) | >>Dem. 37.35 |
